نعطي مساحة لتجربتك ومشاعرك كيف ما هي. هاي الجلسة بتساعدك تعبري وتنفسي مشاعر عالقة. سوا راح نتطلع "من فوق على "القصة" الي بتخليكي بدوامة, نشوف من شو مكونة ونفككها لأجزاء مختلفة.

هاد التفكيك راح يساعدك تفهمي حالك اكتر وكيف تبدأي تنطلقي لمكان جديد مع حالك. مع اقل زخم وضيق واكتر نفس ووساع.

في هاي الجلسة راح نعمل ترتيب وانتقاء للأفكار والمعتقدات الي بتأثر على تجربتك واختياراتك اليوم ونعمل فصل بينها وبينك. راح تتعلمي اليات كيف تميزي بين شو جاي من مصدرك لبين شو مش الك, شو بسكّر عليكي وشو بفتح امكانيات جديدة. راح تعرفي كيف تتعاملي مع الأفكار وتحوليها من قيود لمفتاح انك تتواصلي مع ذاتك المستقلة اكتر وتكوني انت الي بتقودي وعيك.

راح تتواصلي بوضوح اكبر مع شو بدك, راح نفتح مسارات مسكرة توصلك مع طاقتك الاصلية وشغفك. راح تشوفي انه الاشي اسهل وابسط من شو بتتوقعي وراح تشعري انك بترجعي للبيت. فضول, استكشاف, متعة ولعب راح يرافقوقي في هاي المرحلة.

في هاي المرحلة راح نفحص سوا كيف جوا بقابل برا- كيف تكوني متواصلة مع نفسك بالأطار الخارجي وتبدلي الانماط القديمة (تصغير,تخباي, تنازل, امتناع ) بالتعبير عن ذاتك وتشعري انك قريبة لنفسك مهما قابلتي من برا. راح تشعري انك ملتزمة لحقيقتك وهاد شعور رهيب.

بعد ما بنيتي ارض جديدة داخلك, بهاي المحطة راح تثبتي خطاكي بخطوة عملية تعبر عن مين ما انت. فش قوانين شو لازم تكون الخطوة- المهم انها اشي "لبرا" فعل بعكس نيتك انك تمشي مع تحقيق ذاتك بالعالم وتختاري اشي بعبر عنك. الاهم مش شو الخطوة, بل المكان الي منه بتختاريها- هاد بعمل كل الفرق.