مين أنا وليش بنيت هاي السيرورة
أنا أنوار الشيخة, مرافقة للتواصل والتعبير
عن الذات
لأكثر من 8 سنوات، رافقت نساء في محطات مختلفة من حياتهن. ومع اختلاف القصص، لاحظت خيط مشتَرك يتكرر مرة بعد مرة:
نتعلم كيف نتأقلم مع توقعات الخارج, ونكون "مناسبات"، "قويات"، "متفهمات". و"مرنات"... ومرات كثيرة يكون هذا على حساب حقيقتنا واحتياجاتنا.
ومع الوقت, ممكن نبعد عن أجزاء من حالنا, أو نصّغرها أو نخفيها. ويبدأ هذا البعد يظهر في علاقاتنا، قراراتنا، وثقتنا بأنفسنا، أو يظهر احيانا كشعور غامض بقول : "مش هاد هو" - حتى لما من برا كل شيئ يبدو ناجح وطبيعي.
أنا بعرف هذا المكان مش بس من خلال شغلي مع النساء, وإنما من تجربتي الشخصية كمان. عشت هذه التحديات "على جلدي", كفتاة ثم كامرأة أردت الحفاظ على حريتي واستقلاليتي من دون ما أخسر انتمائي وجذوري.
ومن هون بدأت تتشكل طريقتي في المرافقة.
من خلال العمل مع مئات النساء في جلسات وورشات, وبالاستناد على خلفيتي في علم الاجتماع وعلم النفس الاجتماعي, ودراستي التطبيقية لأدوات الوعي الجسدي-
تطورت سيرورة من 5 مراحل.
سيرورة تساعدك ما تكتفي إنك تفهمي حالك, وإنما تقربي من حقيقيتك وتعرفي كيف تترجمي هذا القرب في حياتك ومواقفك اليومية.
بدك نحكي أكتر؟
ابعتيلي رسالة وبرجعلك
